MSIL-fotball.no

Eit skjerpa heimelag som hadde bestemt seg for å rette opp inntrykket etter siste heimekamp, vann den viktige toppkampen mot Norborg forrige onsdag. Seieren var knapp, men fortent, og dermed er grøntrøyene tilbake på tabelltoppen.

MSI/LIL2 la for dagen ei heilt anna vilje og konsentrasjon enn i dei siste kampane. Særleg i 1. omgang blei gjestane sett under press - då hadde dei stort sett nok med å forsvare seg. Det var heimelaget som spelte fotball,. viste initiativ, vann duellane og brukte breidda. Første store sjansen kom etter kvarteret, då Kjell Ove Volle. Knutsen avslutta eit glimrande angrep "med å sette ballen i stolpen. Også Roger Sandvik misbrukte ein 100%-sjanse etter eit flott gjennomspel frå Andre Fylling, og same mann burde netta etter halvtimen då han traff stolpen etter å ha fått ballen på lissa frå Volle Knutsen. Norborg kom litt betre med fram mot pause, og hadde sin første store sjanse etter 38 minutt då Geir Gamlem redda flott åleine med Kim Krogsethagen. Så scora grøn trøyene, og det var så fortent, så fortent. Volle Knutsen slo inn frå sida, keeper halv-klarte og Geir Harald Eikrem var påpasseleg framme og sette ballen i mål til 1 -0 ved pause - flatterande for Norborg.

Kampen endra karakter i 2. omgang. Norborg gjekk offensivt ut og hadde eit klart initiativ innleiingsvis. Berre ei feber-redning frå Geir Gamlem hindra utlikning etter ei heading frå kloss hald etter kvarteret, men heimelaget slapp med skrekken. MSI/LIL2 haddde store problem med å skape noko som helst -altfor mange ballar vart lempa opp til Norgborgs solide midtforsvar som hadde ein enkel jobb med å renske unna. Vidar Røbekk hadde likevel ei bra moglegheit midtvegs, men skotet vart blokkert, Det var utan tvil Geir Gamlem som vart dagens mann for grøntrøyene.I kampens siste minutt rydda han også meisterleg opp åleine med ein Norborg-angripar, og dermed var seieren berga - så vidt. Gode på heimelaget var også Kenneth Ove Sunde og Thor Arne Kroken.

Skrevet av Frank Sunde, Sulaposten 2002