Seriekamp, 22.04.1999, Hovdebygda gras

Det vart eit ublidt møte med 4.divisjon for Mauseidvåg og Solevåg då dei gjesta Hovdebygda sist torsdag. Grusbana i Hovdebygda innbaud på ingen måte til finspel, men det grøn-trøyene presterte var uansett skuffande svakt.

Hovdebygda opna kampen klart best, og køyrde meir eller mindre over MSI i første halvdel av 1. omgang. Det var difor heilt fortent då laget tok leiinga midtvegs. MSI prøvde å skjerpe seg etter dette, men til liten nytte. Fem minutt før pause la nemleg Hovdebygda på til 2-0, noko som også vart pauseresultatet. Dei første 20 minutta av 2. omgang var klart MSI sin beste periode i kampen. Spelarane var litt meir aggressive enn i første, og hang godt med i spelet ute på bana. Likevel vart det ingen klare malsjansar av det, og dermed heller ingen mål. Eit par-tre halvsjansar var alt som vart skapt framfor HIL-målet. Mot slutten tok Hovdebygda igjen over, og det' var lite å seie på at heimelaget auka til 3-0 sju-åtte minutt før slutt. Utfrå det som vart vist av MSI-spelarane, er det liten tvil om at laget må ha meir å gå på. Innsatsen var også i store delar av kampen svak, og akkurat det må det gjerast noko med til laurdagens kamp mot VRF2/ Ikornnes på Mauseidvåg stadion. Det skal gnistre av eit nyopprykt lag, skikkeleg innsats kan nemleg kompensere for mykje mot spclemessig betre motstandarar. Å tape ein vanskeleg opningskamp på bortebane er ingen katastrofe, men vi forvenlar heilt andre takter på heimebane komande laurdag.

Skrevet av Frank Sunde, Sulaposten 1999